اسلام آباد کے شہریوں کیلئے خوشخبری، ایف نائن پارک کو جدید تفریحی مقام بنانے کا منصوبہ

اسلام آباد: وفاقی وزیر داخلہ محسن نقوی نے کہا ہے کہ ایف نائن پارک میں ایک بھی درخت نہیں کاٹا جائے گا اور پارک کو مزید سرسبز، محفوظ اور خوبصورت بنانے کے لیے مختلف اقدامات کیے جائیں گے۔

محسن نقوی نے اپنے بیان میں کہا کہ ایف نائن پارک میں ہزاروں نئے درخت لگائے جائیں گے، جبکہ کسی قسم کی نئی کنکریٹ تعمیر نہیں ہوگی۔

وفاقی وزیر داخلہ کے مطابق پارک میں جدید لائٹنگ نصب کرنے، جھیل کو خوبصورت بنانے، کافی شاپس کی سہولت فراہم کرنے اور واک ویز کو بہتر بنانے کا منصوبہ ہے۔

محسن نقوی نے کہا کہ ایف نائن پارک کو مزید سرسبز، محفوظ اور خوبصورت بنانا ان کا مقصد ہے۔