گھریلو ملازمہ کی مبینہ تشدد سے ہلاکت، ایف آئی اے کے اعلیٰ افسر محمد بن اشرف کو ہٹانے کے بعد کیا مزید کارروائی ہوگی؟

اسلام آباد: گھریلو ملازمہ کی مبینہ تشدد سے ہلاکت کے معاملے میں اہم پیش رفت سامنے آئی ہے، وفاقی تحقیقاتی ادارے (ایف آئی اے) نے ڈائریکٹر گوجرانوالہ زون محمد بن اشرف کو فوری طور پر ایف آئی اے ہیڈکوارٹرز رپورٹ کرنے کا حکم دے دیا۔

ایف آئی اے ہیڈکوارٹرز کے ڈپٹی ڈائریکٹر (ایچ آر ایم) صائم سلطان کی جانب سے 15 نومبر 2026 کو جاری کردہ نوٹیفکیشن کے مطابق محمد بن اشرف (PSP/BS-19)، جو ڈائریکٹر ایف آئی اے گوجرانوالہ زون تعینات تھے، کو فوری طور پر ایف آئی اے ہیڈکوارٹرز بھیج دیا گیا ہے۔

نوٹیفکیشن میں واضح کیا گیا ہے کہ یہ انتظامی حکم فوری طور پر نافذ العمل ہوگا اور آئندہ احکامات تک برقرار رہے گا۔ محمد بن اشرف کو اپنی موجودہ تنخواہ اور سکیل پر ہیڈکوارٹرز رپورٹ کرنے کی ہدایت کی گئی ہے۔

دستاویز کے مطابق یہ فیصلہ ڈائریکٹر جنرل ایف آئی اے کی منظوری سے جاری کیا گیا ہے۔

واضح رہے کہ اسلام آباد میں پولیس سروس کے ایک اعلیٰ افسر کے گھر گھریلو ملازمہ کی مبینہ تشدد سے ہلاکت کا واقعہ سامنے آیا تھا، جس کے بعد محمد بن اشرف کی اہلیہ کی گرفتاری اور واقعے کی تحقیقات کا معاملہ بھی خبروں میں ہے