سہیل آفریدی کے ناقابل ضمانت وارنٹ گرفتاری برقرار، گرفتار کرکے پیش کرنے کا حکم

اسلام آباد: ڈسٹرکٹ اینڈ سیشن کورٹس نے وزیراعلیٰ خیبر پختونخوا سہیل آفریدی کے خلاف ریاستی اداروں پر مبینہ گمراہ کن الزامات عائد کرنے اور ان کی ساکھ متاثر کرنے کے مقدمے میں ناقابل ضمانت وارنٹ گرفتاری برقرار رکھے ہیں۔

جوڈیشل مجسٹریٹ ملک امان نے سہیل آفریدی کے خلاف درج مقدمے کی سماعت کی۔ عدالت نے عدم حاضری پر ان کے ناقابل ضمانت وارنٹ گرفتاری برقرار رکھتے ہوئے انہیں گرفتار کرکے عدالت میں پیش کرنے کا حکم دیا۔

پیکا ایکٹ کے تحت مقدمہ

سہیل آفریدی کے خلاف نیشنل سائبر کرائم انویسٹی گیشن ایجنسی (این سی سی آئی اے) نے پیکا ایکٹ کے تحت مقدمہ درج کر رکھا ہے۔ مقدمے میں ریاستی اداروں کے خلاف مبینہ گمراہ کن الزامات اور ساکھ متاثر کرنے سے متعلق الزامات شامل ہیں۔عدالت نے کیس کی مزید سماعت 15 نومبر تک ملتوی کردی۔