ایف آئی اے و نیب

ایف آئی اے ڈائریکٹر کے گھر کمسن ملازمہ کی مبینہ تشدد سے ہلاکت، دو ملزمان کا جسمانی ریمانڈ منظور

جوڈیشل مجسٹریٹ نائمہ عفت کی عدالت نے فیصلہ سنا دیا، پولیس نے دونوں ملزمان کے 8 روزہ جسمانی ریمانڈ کی استدعا کی تھی۔

اسلام آباد کی ڈسٹرکٹ اینڈ سیشن کورٹس میں پولیس لائنز ہیڈکوارٹرز میں ایف آئی اے ڈائریکٹر کے گھر 13 سالہ گھریلو ملازمہ فاطمہ کی مبینہ تشدد سے ہلاکت کے مقدمے کی سماعت ہوئی۔

گرفتار خاتون ملزمہ افشاں اور قاری علی کو جوڈیشل مجسٹریٹ نائمہ عفت کی عدالت میں پیش کیا گیا، جہاں پولیس نے دونوں ملزمان سے مزید تفتیش کے لیے 8 روزہ جسمانی ریمانڈ کی استدعا کی۔

عدالت نے 4 روزہ جسمانی ریمانڈ منظور کر لیا

عدالت نے پولیس کی استدعا پر فیصلہ سناتے ہوئے دونوں ملزمان افشاں اور قاری علی کا 4 روزہ جسمانی ریمانڈ منظور کر لیا اور انہیں مزید تفتیش کے لیے پولیس کے حوالے کرنے کا حکم دے دیا۔

پولیس کے مطابق ملزمان سے واقعے کے مختلف پہلوؤں، مبینہ تشدد اور دستیاب شواہد کی روشنی میں تفتیش کی جائے گی۔

واضح رہے کہ 13 سالہ فاطمہ کی ہلاکت کا مقدمہ تھانہ شمس کالونی میں درج کیا گیا ہے۔ پولیس واقعے کی تحقیقات کر رہی ہے جبکہ بچی کی موت کی حتمی وجہ پوسٹ مارٹم رپورٹ اور مزید تفتیش کے بعد سامنے آئے گی۔

Tribune Desk

اسلام آباد ٹریبیون ایک مستند ڈیجیٹل نیوز پلیٹ فارم ہے جو اسلام آباد میں تازہ ترین خبروں، حکومتی امور، عوامی مسائل، کاروبار، تعلیم، امن و امان اور سماجی و عوامی سرگرمیوں کی کوریج کرتا ہے۔ ہمارا مقصد درست، ذمہ دارانہ اور مؤثر صحافت کے ذریعے شہریوں تک قابلِ اعتماد معلومات پہنچانا اور پاکستان کے دارالحکومت کو درپیش اہم معاملات سے باخبر رکھنا ہے۔ اسلام آباد ٹریبیون — اسلام آباد کو باخبر رکھنا ہمارا عزم۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button