چینی شہری کے گھر ڈکیتی کرنے والے کیپیٹل پیٹرول یونٹ کے تین اہلکار گرفتار

وفاقی دارالحکومت اسلام آباد میں ایک چینی شہری کے گھر ڈکیتی کی سنگین واردات پیش آئی ہے جس نے سیکیورٹی اداروں کو ہلا کر رکھ دیا ہے۔ حیرت انگیز طور پر اس واردات میں عام مجرم نہیں بلکہ اسلام آباد پولیس کے کیپیٹل پٹرول یونٹ کے پانچ اہلکار ملوث پائے گئے ہیں۔

پولیس ذرائع کے مطابق اس گھناؤنے جرم میں ملوث اہلکاروں میں سے تین کو گرفتار کر لیا گیا ہے جن کی شناخت عماد، ضیااللہ اور سانول کے ناموں سے ہوئی ہے۔ قانون نافذ کرنے والے اداروں کا کہنا ہے کہ دیگر مفرور ملزمان کی گرفتاری کے لیے تیزی سے چھاپے مارے جا رہے ہیں اور اس معاملے میں ملوث تمام افراد کو قانون کے کٹہرے میں لایا جائے گا۔