مولانا فضل الرحمان نے سیاست اور مذہب کو کمائی کا ذریعہ بنایا، خواجہ آصف کا الزام

وزیر دفاع خواجہ آصف نے مولانا فضل الرحمان کے بیانات پر تنقید کرتے ہوئے الزام عائد کیا ہے کہ انہوں نے سیاست اور مذہب کو کمائی کا ذریعہ بنایا۔ خواجہ آصف کے مطابق مولانا فضل الرحمان نے ذاتی حملے کیے، لیکن وہ خاموش رہے اور معاملات کو بگاڑنے سے بچانے کی کوشش کرتے رہے۔

خواجہ آصف نے کہا کہ اب مولانا فضل الرحمان کو خواتین کی حمایت کی ضرورت پڑ گئی ہے اور وہ انہیں ماضی کے معاملات کھلوانے پر مجبور نہ کریں۔ انہوں نے کہا کہ بعض لوگوں کو مولانا کی عزت عزیز نہیں، جبکہ ملک کے دفاع کے معاملے پر سب کو متحد ہونا چاہیے۔ وزیر دفاع نے مزید کہا کہ پاکستان نے دشمن کو شکست دی، تاہم اس معاملے میں بعض لوگوں نے کنجوسی سے کام لیا۔