اسلام آباد ٹریفک پولیس میں 7 افسران کے تبادلے، نوٹیفکیشن جاری

اسلام آباد ٹریفک پولیس میں چیف ٹریفک آفیسر (سی ٹی او) کی جانب سے ٹریفک ڈویژن کے ماتحت 7 افسران کے فوری تبادلوں اور تقرریوں کے احکامات جاری کر دیے گئے ہیں۔

احکامات کے مطابق اے ایس آئی شکیل خان کو ڈرائیونگ ٹیسٹ آئی ٹی پی ہیڈکوارٹر سے زون ون، اے ایس آئی زاہد اختر کو زون ون سے پی کے ایم کیاسک، جبکہ اے ایس آئی عبدالغفور کو ڈرائیونگ ٹیسٹ آئی ٹی پی ہیڈکوارٹر سے زون ٹو تعینات کر دیا گیا ہے۔

اسی طرح ایس آئی زہرہ بتول کو زون ٹو سے آسان مرکز جی نائن، اے ایس آئی اظہر سلیم کو پی کے ایم گلبرگ گرین سے آئی ٹی پی ہیڈکوارٹر، اے ایس آئی راشد یونس کو پی کے ایم کیاسک سے آئی ٹی پی ہیڈکوارٹر اور اے ایس آئی محمد ارشاد کو آسان مرکز جی نائن سے پی کے ایم گلبرگ گرین تعینات کیا گیا ہے۔

جاری کردہ احکامات کے مطابق تمام تبادلے اور تقرریاں فوری طور پر نافذ العمل ہوں گی۔