اسلام آباد میں شہری اب گھر بیٹھے لرنر پرمٹ، ڈرائیونگ لائسنس کی تجدید اور ڈوپلیکیٹ لائسنس حاصل کر سکیں گے
19 اکتوبر سے تجدید شدہ اور ڈوپلیکیٹ لائسنس ٹریفک دفاتر کی بجائے شہریوں کے گھر بزریعہ ٹی سی ایس بھجوائیں جائیں گے
آئی جی اسلام آباد کیپٹن (ر) محمد سہیل چوہدری کی ہدایات پر شہری گھر بیٹھے لرنر پرمٹ، ڈرائیونگ لائسنس کی تجدید اور ڈپلیکیٹ لائسنس کے لیے آن لائن درخواست دے سکیں گے، جبکہ 19 اکتوبر سے ٹریفک ہیڈکوارٹر فیض آباد اور دیگر پولیس خدمت مراکز میں یہ سہولیات فراہم نہیں کی جائیں گی۔ تجدید شدہ اور ڈپلیکیٹ لائسنس ٹی سی ایس کے ذریعے شہریوں کی دہلیز تک پہنچائے جائیں گے۔
ترجمان اسلام آباد پولیس کے مطابق شہری آن لائن ویب پورٹل کے ذریعے لرنر پرمٹ، ڈرائیونگ لائسنس کی تجدید اور ڈپلیکیٹ لائسنس کے لیے درخواست دے سکیں گے۔
یہ سہولیات پیر، 19 اکتوبر سے ٹریفک ہیڈکوارٹر فیض آباد اور دیگر پولیس خدمت مراکز میں فراہم نہیں کی جائیں گی۔چیف ٹریفک آفیسر کائنات اظہر خان کے مطابق تجدید شدہ اور ڈپلیکیٹ ڈرائیونگ لائسنس ٹی سی ایس کے ذریعے شہریوں کے گھروں تک پہنچائے جائیں گے۔
انہوں نے شہریوں کو ہدایت کی کہ آن لائن درخواست دیتے وقت مکمل نام، درست رہائشی پتہ اور فعال موبائل نمبر درج کریں، کیونکہ غلط یا نامکمل پتہ لائسنس کی ترسیل میں تاخیر کا سبب بن سکتا ہے
