وزارت داخلہ نے اسلام آباد پولیس کے 10 ڈی ایس پیز کی ترقی کا نوٹیفکیشن جاری کر دیا

اسلام آباد: اسلام آباد پولیس کے 10 ڈپٹی سپرنٹنڈنٹس آف پولیس (ڈی ایس پیز) کو سپرنٹنڈنٹ آف پولیس (ایس پی) گریڈ 18 کے عہدوں پر ترقی دے دی گئی ہے۔

وزارت داخلہ نے افسران کی ترقیوں کا باضابطہ نوٹیفکیشن جاری کر دیا ہے، جس کے تحت ترقی پانے والے تمام افسران کو فوری طور پر ایس پی تعینات کرنے کا فیصلہ کیا گیا ہے۔

ترقی پانے والے افسران کے نام

ترقی حاصل کرنے والے افسران میں طارق محمود، خالد محمود اعوان، ارشاد علی ابڑو، ساجد عباس، بشارت علی، محمد سرفراز، فیاض احمد، اسد اللہ منگی، اکرم علی سومرو اور سیت علی ابڑو شامل ہیں۔

نوٹیفکیشن کے مطابق ترقی پانے والے تمام افسران ایک سالہ پروبیشن مدت مکمل کریں گے۔ اس مدت کے دوران افسران اپنی نئی ذمہ داریاں ایس پی گریڈ 18 کے تحت انجام دیں گے۔