شہر میں آخری شیشہ کیفے کی بندش تک کارروائیاں جاری رکھنے کا فیصلہ، ضلعی انتظامیہ کا اعلان

اسلام آباد میں شیشہ کیفے کے خلاف ضلعی انتظامیہ کی کارروائیاں تیز کر دی گئی ہیں۔ روزانہ کی بنیاد پر بلا امتیاز جاری کریک ڈاؤن کے دوران شہر کے مختلف علاقوں میں مزید شیشہ کیفیز سیل کر دیے گئے جبکہ وہاں سے شیشے بھی ضبط کر لیے گئے۔

ضلعی انتظامیہ کے مطابق کارروائیوں کے دوران متعدد افراد کو گرفتار بھی کیا گیا ہے۔ انتظامیہ کا کہنا ہے کہ یہ اقدامات عدالتی احکامات کی روشنی میں کیے جا رہے ہیں۔

ضلعی انتظامیہ نے واضح کیا ہے کہ اسلام آباد میں آخری شیشہ کیفے بند ہونے تک روزانہ کی بنیاد پر کارروائیاں جاری رہیں گی اور اس سلسلے میں کسی قسم کی رعایت نہیں برتی جائے گی۔