اسلام آباد سے کابل جانے والی پرواز کے مسافر سے 5 پاسپورٹس ملنے کی اطلاع، ایف آئی اے کی تحقیقات جاری

اسلام آباد: کابل جانے والی پرواز RQ928 پر ایک مسافر سے پانچ پاسپورٹس ملنے کی اطلاع سامنے آئی ہے۔ ذرائع کے مطابق ایئرپورٹ سیکیورٹی فورس (اے ایس ایف) نے روانگی کے دوران مسافر کو روک لیا۔

ذرائع کا کہنا ہے کہ مسافر مبینہ طور پر پانچ پاسپورٹس کابل منتقل کرنا چاہتا تھا۔ معاملے میں ایئرلائن کے اسٹیشن منیجر منظور خان کا نام بھی سامنے آیا ہے۔

اے ایس ایف نے معاملہ مزید تحقیقات کے لیے وفاقی تحقیقاتی ادارے (ایف آئی اے) کے حوالے کر دیا ہے۔ ذرائع کے مطابق مسافر اور اسٹیشن منیجر منظور خان ایف آئی اے کی تحویل میں ہیں اور معاملے کی تحقیقات جاری ہیں۔

پاسپورٹس کی منتقلی کے مقصد اور اس کی قانونی حیثیت کا تعین ہونا ابھی باقی ہے۔ معاملے سے متعلق مزید تفصیلات تحقیقات مکمل ہونے کے بعد سامنے آنے کا امکان ہے۔