اسلام آباد ہائی کورٹ
پی ایم ڈی سی ملازمین بحالی کیس، اسلام آباد ہائیکورٹ کا توہین عدالت کا شوکاز نوٹس جاری
جسٹس انعام امین منہاس نے پی ایم ڈی سی حکام کو شوکاز نوٹس جاری کرتے ہوئے 25 نومبر تک جواب جمع کرانے کا حکم دیا ہے۔
اسلام آباد ہائیکورٹ نے ملازمین کی بحالی سے متعلق عدالتی فیصلے پر عمل درآمد نہ کرنے پر پاکستان میڈیکل اینڈ ڈینٹل کونسل (پی ایم ڈی سی) کے خلاف توہین عدالت کی کارروائی سے متعلق شوکاز نوٹس جاری کر دیا۔
عدالت کا پی ایم ڈی سی حکام سے جواب طلب
عدالت نے پی ایم ڈی سی حکام سے استفسار کیا کہ عدالتی فیصلے پر عمل درآمد نہ کرنے کے معاملے پر ان کے خلاف توہین عدالت کی کارروائی کیوں نہ شروع کی جائے؟
واضح رہے کہ اسلام آباد ہائیکورٹ مارچ 2026 میں پی ایم ڈی سی ملازمین کی برطرفی کا فیصلہ کالعدم قرار دے چکی ہے۔ تاہم عدالتی فیصلے کے باوجود ملازمین کی بحالی پر عمل درآمد نہ ہونے کے خلاف متاثرہ ملازمین نے پی ایم ڈی سی کے خلاف توہین عدالت کی درخواست دائر کر رکھی ہے۔
عدالت نے درخواست پر کارروائی کرتے ہوئے پی ایم ڈی سی حکام سے جواب طلب کر لیا ہے۔
