سی ڈی اے کے لینڈ شعبے میں بڑا ردوبدل، 19 افسران و اہلکاروں کی اٹیچمنٹ کے احکامات جاری

اسلام آباد: کیپیٹل ڈیولپمنٹ اتھارٹی (سی ڈی اے) میں اہم انتظامی پیش رفت سامنے آئی ہے، جہاں 19 افسران و اہلکاروں کو تین ماہ کے لیے لینڈ اینڈ ری ہیبلیٹیشن ڈائریکٹوریٹ میں اٹیچ کر دیا گیا ہے۔

الیکشن کمیشن سے این او سی موصول ہونے کے بعد سی ڈی اے نے ممبر اسٹیٹ کی سفارش پر متعلقہ ملازمین کی اٹیچمنٹ کے احکامات جاری کیے۔ اٹیچ کیے جانے والوں میں پانچ ڈپٹی ایجوکیشن آفیسرز، تین سب انجینئرز، تین سب اسسٹنٹس، دو جونیئر اسسٹنٹس، دو گرداور اور تین پٹواری شامل ہیں، جبکہ دیگر ملازمین بھی اس فہرست کا حصہ ہیں۔

ہیومن ریسورس ڈائریکٹوریٹ ٹو کی جانب سے 6 نومبر کو جاری کیے گئے آفس آرڈر کو فوری طور پر نافذ العمل قرار دیا گیا ہے۔ متعلقہ افسران و اہلکاروں کو اپنی تعمیلی رپورٹ جمع کرانے کی بھی ہدایت کی گئی ہے۔