اسلام آباد پولیس

فیصل مسجد میں دورانِ ڈیوٹی افسوسناک واقعہ، ایس ایچ او مارگلہ عمران منیر انتقال کر گئے

فیصل مسجد میں ڈیوٹی کے دوران دل کا دورہ پڑنے پر انہیں پمز اسپتال منتقل کیا گیا، جہاں طبی امداد کے باوجود وہ جانبر نہ ہو سکے۔

اسلام آباد پولیس کے ایس ایچ او مارگلہ عمران منیر فیصل مسجد میں دورانِ ڈیوٹی دل کا دورہ پڑنے سے انتقال کر گئے، ان کے انتقال پر اسلام آباد پولیس سوگوار ہے۔

تفصیلات کے مطابق ایس ایچ او مارگلہ عمران منیر فیصل مسجد میں ڈیوٹی پر مامور تھے کہ اچانک ان کی طبیعت خراب ہوگئی اور وہ بے ہوش ہو کر گر پڑے۔

واقعے کے فوری بعد انہیں طبی امداد کے لیے پاکستان انسٹی ٹیوٹ آف میڈیکل سائنسز (پمز) اسپتال منتقل کیا گیا، جہاں ڈاکٹروں نے انہیں دل کا دورہ پڑنے کی تصدیق کی۔

اسپتال میں عمران منیر کی حالت تشویشناک ہونے پر انہیں طبی امداد فراہم کی گئی، تاہم وہ جانبر نہ ہو سکے اور انتقال کر گئے۔

ایس ایچ او مارگلہ عمران منیر کے انتقال کی خبر پر اسلام آباد پولیس میں سوگ کی فضا ہے۔

Rana Ruman Muzaffar

رانا رومان مظفر یونیورسٹی آف سینٹرل پنجاب (UCP)، لاہور سے میڈیا اسٹڈیز میں فارغ التحصیل ہیں اور ایک تجربہ کار براڈکاسٹ صحافی ہیں۔ وہ ہم نیوز کے ساتھ بطور سینئر رپورٹر وابستہ ہیں۔ان کی صحافتی رپورٹنگ کا محور سیاسی امور، پارلیمانی کارروائیاں اور پارلیمنٹ ہاؤس میں ہونے والی اہم پیش رفت ہے۔ اس کے علاوہ وہ اسلام آباد کیپیٹل ٹیریٹری میں کاروباری اور معاشی خبروں کی کوریج بھی کرتے ہیں اور اہم پالیسی فیصلوں اور تجارتی سرگرمیوں سے متعلق تفصیلی رپورٹنگ فراہم کرتے ہیں۔ ان سے ای میل کے ذریعے ruman@islamabadtribune.com پر رابطہ کیا جا سکتا ہے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button