گورنر راج کے بعد پی ٹی آئی سے پہلا استعفیٰ، فردوس شمیم نقوی عہدے سے مستعفی

پاکستان تحریک انصاف کے ایڈیشنل سیکرٹری جنرل فردوس شمیم نقوی اپنے عہدے سے مستعفی ہو گئے ہیں اور انہوں نے استعفیٰ پارٹی قیادت کو بھجوا دیا ہے۔

فردوس شمیم نقوی نے نیوز سے گفتگو میں استعفے کی تصدیق کرتے ہوئے کہا کہ انہوں نے موجودہ حالات میں اپنی ذمہ داری تسلیم کرتے ہوئے عہدہ چھوڑنے کا فیصلہ کیا ہے۔

ان کا کہنا تھا کہ استعفیٰ کسی ناراضگی یا اختلاف کے باعث نہیں دیا اور وہ بطور عہدیدار اپنی ذمہ داری تسلیم کر رہے ہیں۔ انہوں نے واضح کیا کہ پارٹی قیادت سے نہ کوئی ناراضگی ہے اور نہ ہی اختلاف۔

فردوس شمیم نقوی کے مطابق بیرسٹر گوہر نے گزشتہ روز انہیں مشعال یوسفزئی کو نوٹس جاری کرنے کی ہدایت کی تھی، تاہم انہوں نے تاحال مشعال یوسفزئی کو نوٹس جاری نہیں کیا۔