عدالتیں و قانونی امور

اسلام آباد کچہری اور امام بارگاہ خودکش حملہ کیسز کے چالان عدالت میں جمع، سماعت 24 نومبر تک ملتوی

انسداد دہشت گردی عدالت میں دونوں مقدمات کے چالان جمع، کچہری حملہ کیس میں 126 اور امام بارگاہ حملہ کیس میں 128 گواہان کی فہرست پیش کیے جانے کا دعویٰ۔

اسلام آباد کچہری اور امام بارگاہ پر خودکش دھماکوں سے متعلق دونوں مقدمات کے چالان انسداد دہشت گردی عدالت میں جمع کرا دیے گئے، عدالت نے تمام ملزمان کو آئندہ سماعت پر طلب کرتے ہوئے کیسز کی مزید کارروائی 24 نومبر تک ملتوی کر دی۔

انسداد دہشت گردی عدالت اسلام آباد کے جج طاہر عباس سپرا نے دونوں مقدمات کی سماعت کی۔ عدالت نے ہدایت کی کہ آئندہ سماعت پر ملزمان کو چالان کی نقول فراہم کی جائیں گی۔

دونوں مقدمات میں گرفتار ملزمان کی تفصیلات

ذرائع کے مطابق امام بارگاہ خودکش حملہ کیس میں تین جبکہ اسلام آباد کچہری خودکش حملہ کیس میں ایک ملزم گرفتار ہے۔

ذرائع کا کہنا ہے کہ کچہری حملہ کیس میں استغاثہ کی جانب سے 126 گواہان جبکہ امام بارگاہ حملہ کیس میں 128 گواہان کی فہرست پیش کی گئی ہے۔

ذرائع کے مطابق گرفتار ملزمان پر خودکش حملہ آوروں کو سہولت فراہم کرنے، ٹرانسپورٹ اور مالی معاونت دینے کے الزامات عائد کیے گئے ہیں۔

Tribune Desk

اسلام آباد ٹریبیون ایک مستند ڈیجیٹل نیوز پلیٹ فارم ہے جو اسلام آباد میں تازہ ترین خبروں، حکومتی امور، عوامی مسائل، کاروبار، تعلیم، امن و امان اور سماجی و عوامی سرگرمیوں کی کوریج کرتا ہے۔ ہمارا مقصد درست، ذمہ دارانہ اور مؤثر صحافت کے ذریعے شہریوں تک قابلِ اعتماد معلومات پہنچانا اور پاکستان کے دارالحکومت کو درپیش اہم معاملات سے باخبر رکھنا ہے۔ اسلام آباد ٹریبیون — اسلام آباد کو باخبر رکھنا ہمارا عزم۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button